Մեր հրապարակումը, որը վերաբերում էր Սուրեն Պապիկյանի ընկերոջը եւ օգնականին՝ Արմեն Ղալեչյանին, եւ որում նշվում էր, որ նա վերահսկում էր զինվորականների ատեստացիան՝ չունենալով դրա իրավունքն ու փորձառությունը, շատ էր զայրացրել նրան։
Արմեն Ղալեչյանը, որը նախկինում Երեւանի ավագանու ՔՊ-ական անդամ էր, մեր հրապարակումից հետո դիմեց դատարան՝ պահանջելով 1 միլիոն դրամ փոխհատուցում եւ հերքում։ Նա այնքան վստահ էր իր հաղթանակի մեջ, որ անգամ դատարան չէին բարեհաճում գալ՝ ո՛չ ինքը, ո՛չ իր ներկայացուցիչը։
Առաջին ատյանի դատարանը, անսպասելիորեն, հօգուտ հայցվորի վճիռ կայացրեց՝ պարտավորեցնելով մեզ հերքում հրապարակել եւ մասնակի փոխհատուցում վճարել։
Մենք անմիջապես դիմեցինք Վերաքննիչ դատարան։ Երեկ, մեծ ուրախությամբ, տեղեկացանք, որ վերաքննիչը՝ Իվան Բաղմանյանի նախագահությամբ, ամբողջությամբ բեկանել է առաջին ատյանի վճիռը եւ հօգուտ «Հրապարակի» որոշում կայացրել։ Վերաքննիչը հստակ արձանագրել է, որ մեր հրապարակման մեջ զրպարտության եւ վիրավորանքի որեւէ նշույլ չկա։
Մեր շահերը դատարանում բարեխղճորեն եւ պրոֆեսիոնալ պատասխանատվությամբ ներկայացնում էր փաստաբան Միքայել Ահարոնյանը։
Այս որոշումը հաստատում է մեր լրագրողական անկեղծությունը եւ իրավունքը հրապարակել հանրային կարգի հարցերով հետաքրքրություն առաջացնող տեղեկություններ։
