«Ուժեղ Հայաստան» կուսակցության առաջնորդ Սամվել Կարապետյանը հարցազրույցում իր գնահատականն է տվել երկրի ներկայիս քաղաքական իրավիճակի վերաբերյալ։ Նրա խոսքով՝ հասարակությունը գործ ունի ոչ թե մեկ անձի, այլ ավելի լայն և բարդ համակարգի հետ։
Կարապետյանը նշել է, որ իրենք պայքարում են ոչ թե կոնկրետ անձի դեմ, այլ այն համակարգի դեմ, որը, նրա կարծիքով, ձևավորվել է և գործում է ներկայիս քաղաքական իրականությունում։ Նա նկարագրել է այս համակարգը՝ այն բաժանելով երկու մասի։
«Գոյություն ունի երկու Փաշինյան։ Մի Փաշինյանը մարդ է, թեև շատ վատ մարդ է, բայց մարդ է՝ թույլ, վախկոտ, ստախոս և ագահ։ Այդ բազայի վրա դրսի ուժերը, հայտնի երկրների ուժերը կառուցել են մեխանիզմ, նորից դա կոչվում է Փաշինյան, բայց դա արդեն մեխանիզմ է։ Այդ մեխանիզմը ծառայում է Հայաստանը և հայ ժողովրդին ծնկի բերելու համար»,- պնդել է նա։
Այսպիսով, Կարապետյանի կարծիքով՝ ներկայիս իշխանությունների գործողությունները և քաղաքական որոշումները հիմնված են ոչ թե մեկ անձի կամավորության վրա, այլ ծրագրավորված և արտաքին ուժերի կողմից կառավարվող համակարգի աշխատանքի արդյունք են։
