Ինչպես հայտնի դարձավ, Սուրբ Աննա եկեղեցում տեղի ունեցած միջադեպի հետևանքով կալանավորված 18-ամյա Դավիթ Մինասյանի առողջական վիճակը զգալիորեն վատացել է։
Իմ հայտնել է փաստաբան Լուսինե Մարտիրոսյանը, որ բժշկական հետազոտությունների արդյունքում Դավիթ Մինասյանի մոտ հաստատվել է փակ գանգուղեղային տրավմա և ուղեղի ցնցում։
«Բժշկական հետազոտությունների արդյունքում հաստատվել է փակ գանգուղեղային տրավմա, ուղեղի ցնցում։ Այնինչ այդ օրը եկեղեցում Դավիթն ընդամենը մասնակցում էր պատարագի»,- նշել է փաստաբանը։
Ավելի վաղ տեղեկացվել էր, որ փաստաբանները արդեն ստացել են Դավիթ Մինասյանի առողջական վիճակը փաստող բժշկական փաստաթղթերը և դրանք ուղարկել են վերաքննիչ քրեական դատարան։
Հիշեցնենք, որ Դավիթ Մինասյանը, ինչպես նաև նրա եղբայր Միքայել Մինասյանը և հանրային գործիչ Գևորգ Գևորգյանը ձերբակալվել են մարտի 29-ին՝ Սուրբ Աննա եկեղեցում տեղի ունեցած միջադեպի կապակցությամբ։ Դավիթ Մինասյանը կալանավորվել է երկու ամսով։ Նրա առողջական վիճակի վատթարացման հետ կապված հանգամանքները ներկայացվել են դատարան։
