Իրանի նախագահ Մասուդ Փեզեշքիանը հայտարարել է, որ Իսրայելի կողմից Լիբանանի դեմ իրականացվող շարունակական հարվածները կդարձնեն անիմաստ Վաշինգտոնի և Թեհրանի միջև Իսլամաբադում նախատեսված բանակցությունները։
Նախագահը նշել է, որ «սիոնիստական ռեժիմի» կրկնվող ագրեսիան Լիբանանի դեմ հրադադարի նախնական համաձայնության բացահայտ խախտում է։ Նրա խոսքով՝ սա խաբեության և հնարավոր պայմանավորվածությունները չհարգելու վտանգավոր ազդանշան է, իսկ նման գործողությունների շարունակումը բանակցությունները կդարձնի անիմաստ։
Փեզեշքիանը նաև հավելել է, որ Իրանի զինված ուժերը պատրաստ են աջակցել իր լիբանանցի քույրերին և եղբայրներին։ «Իրանը երբեք մենակ չի թողնի իր լիբանանցի քույրերին ու եղբայրներին»,- նշել է նա։
