Հարցազրուցի ընթացքում ինձ հարցրին՝ արդյոք Արցախի ժողովրդի խաղաղ և միջազգային իրավունքներին համապատասխան վերադարձը հնարավոր է։
Իմ պատասխանը պարզ էր․ ես Արցախի ժողովրդի վերադարձի իրավունքը համարում եմ անբաժանելի իրավունք։ Ես այն չեմ դիտարկում որպես կոնֆլիկտ ստեղծող հարց։ Այս համատեքստում կարելի է համեմատություն անել ցեղասպանության ճանաչման գործընթացի հետ։
Իմ կարծիքով՝ վերադարձի հնարավորությունը սկզբունքային առումով գոյություն ունի, սակայն այս պահին դրա իրականացումը իրատեսական չէ։ Գործընթացի քննարկման հիմնական ուղղությունը պետք է լինի անվտանգ վերադարձի ապահովումը։
«Վերադարձ հնարավոր է, այս պահին ռեալ է, թե՞ ոչ, երևի ռեալ չէ։ Խոսքը պետք է գնա անվտանգ վերադարձի մասին»,- եմ ասել։
