Երևանի քաղաքապետարանը հայտնում է, որ վերջին շաբաթվա ընթացքում իրականացված փոփոխությունների արդյունքում Երևանի հանրային տրանսպորտի համակարգում ուղևորների կողմից կատարվող վճարումների (վալիդացիայի) քանակը նշանակալիորեն աճել է։
Համեմատած նախորդ շաբաթվա ցուցանիշների հետ՝ այս ցուցանիշը աճել է 15-30 տոկոսով։ Այս փաստը, ըստ Երևանի քաղաքապետ Տիգրան Ավինյանի, վկայում է ընթացող բարեփոխումների կարևորության և անհրաժեշտության մասին։
Քաղաքապետը նաև ընդգծել է, որ վարորդների պարտավորությունն է աշխատանքային պայմանագրով սահմանված կարգով ապահովել ուղևորների կողմից ուղեվճարի հավաքագրումը։ Նա բարձր է գնահատել վարորդների կողմից ցուցաբերվող զսպվածությունը և համագործակցությունը։
