«Հետք»-ի թիմը ներկայացնում է «8-րդ հարկ» փոդքասթի նոր թողարկումը, որը նվիրված է Սևանա լճի բնապահպանական և քաղաքաշինական հարցերին։ Փոդքասթի հյուրերն են «Հետք»-ի գլխավոր խմբագիր Էդիկ Բաղդասարյանը և լրագրող Տիրայր Մուրադյանը։
Այս թողարկման ընթացքում մենք վերադառնում ենք «Հետք»-ի արխիվներին՝ քննարկելով լճի վերաբերյալ մեր տարիների ընթացքում հրապարակված հոդվածները։
Մեր վերջին անդրադարձը Սևանա լճի ափին և լճի մեջ կառուցապատման հարցին առնչվեց գործարար Արման Հակոբջանյանի առանձնատան կառուցման պատմությանը։ 2025 թվականին հրապարակված մեր հոդվածից հետո, Դատախազության պահանջով, լճի մեջ կառուցված լողավազանը և այլ բետոնե կառույցներ ապամոնտաժվեցին։ Վերջին ամիսներին լճի ափամերձ տարածքներում նաև այլ շինություններ են քանդվել։
Մենք նաև վերհիշում ենք 2020 թվականին հրապարակված հոդվածը, որում անդրադարձ էինք արել Սևանա լճի թերակղզուն հարող տարածքներում քանդման ենթակա շինությունների սեփականատերերին և ճեմուղու կառուցման նախագծին։
Իսկ 2008 թվականին «Հետքը» գրել էր Բնապահպանության նախկին նախարար Արամ Հարությունյանի՝ Սևանա լճի ափին գտնվող առանձնատան մասին։
Այս թողարկումը փորձում է համակարգել և վերլուծել Սևանա լճի հարցերով կապված մեր լրագրողական աշխատանքը՝ ցույց տալով, թե ինչպես են փոխվել իրավիճակը և ինչպես է մեր լրագրությունը դրան ազդեցություն ունեցել։
