Հայաստանի կառավարությունը որոշում է կայացրել Բեռնում հիմնել Հայաստանի Հանրապետության ռեզիդենտ դեսպանություն։ Այս մասին Հայաստանի արտաքին գործերի նախարար Արարատ Միրզոյանը հայտնել է Շվեյցարիայի արտաքին հարաբերությունների դաշնային դեպարտամենտի ղեկավար Իգնասիո Կասիսի հետ հանդիպման ընթացքում։
Այս քայլը, ինչպես նշվել է, նպատակ ունի խթանելու երկու երկրների միջև ավելի սերտ և ամենակողմանի համագործակցությունը։
Հանդիպման ընթացքում քննարկվել են նաև Եվրոպայի անվտանգության և համագործակցության կազմակերպության (ԵԱՀԿ) շրջանակներում փոխգործակցության հարցերը, այդ թվում՝ Շվեյցարիայի նախագահության ընթացքում։ Կողմերը գոհունակությամբ ընդգծել են երկկողմ հարաբերությունների զարգացման հեռանկարները։
