Հինգ իրավապաշտպանների նախաձեռնությունը հրապարակել է հայտարարություն, որում խստորեն դատապարտում է Բարձրագույն դատական խորհրդի (ԲԴԽ) ֆեյսբուքյան էջով 2026 թվականի փետրվարի 20-ին տարածված հայտարարությունը։
Մեր կարծիքով՝ այդ հայտարարությունը փաստաբանների և իրավապաշտպանների քննադատական խոսքը լռեցնելու և նրանց մասնագիտական գործունեության նկատմամբ ճնշում գործադրելու անթաքույց փորձ է։
ԲԴԽ-ի կողմից արված այս հայտարարությունը խախտում է փաստաբանական համայնքի հետ ինստիտուցիոնալ հարաբերությունների ընդունելի սահմանները։ Նման գործելաոճը վտանգավոր է նաև այն առումով, որ այն կարող է արհեստական հակադրություն ստեղծել փաստաբանական համայնքի և դատական իշխանության միջև։
